ბაროკოს მუსიკის კონცერტი – ძველებური ცეკვები

საქართველოს კულტურის, სპორტისა და ახალგაზრდობის სამინისტროს მხარდაჭერით, 22 და 23 აპრილს, „ჰელსინკის ბაროკოს ორკესტრის“ ძველებური მუსიკის კონცერტების ციკლის ფარგლებში, თბილისის სახელმწიფო კამერული ორკესტრი ბაროკოს მუსიკის კონცერტებს გამართავს.

ფინელი მსმენელებისთვის ორკესტრი შეასრულებს განახლებულ პროგრამას – „ძველებური ცეკვები“, რაც ბაროკოს პერიოდის სხვადასხვა კომპოზიტორის ცეკვებსა და ინსტრუმენტულ არიებს, ერთ საორკესტრო სიუიტაში აერთიანებს.