საქართველოს დამოუკიდებლობისადმი მიძღვნილი კონცერტი

28 ივლისს, 19:00 საათზე, ქალაქ მიუნხენში საქართველოს საპატიო საკონსულოს ორგანიზებით, მიუნხენის ხელოვნების სახლის დიდ საკონცერტო დარბაზში საქართველოს დამოუკიდებლობის დღისადმი მიძღვნილი კონცერტი გაიმართება!

კონცერტში მონაწილეობენ: თბილისის სახელმწიფო კამერული ორკესტრი – „საქართველოს სინფონიეტა“, გუნდი „ქართული სული“ არჩილ უშვერიძის ხელმძღვანელობით, გიორგი ქობულაშვილი (ჰობოი და კონცერტის ხელმძღვანელი) და დირიჟორი – კორნელია ფონ კერსენბროკი.

კონცერტზე, ქართულ ფოლკლორულ სიმღერებთან ერთად შესრულდება: ალბერტო ნეპომუსენოს, ალექსანდრე ლევის, იოსებ კეჭაყმაძის, კახა ცაბაძის, სულხან ცინცაძისა და რევაზ ლაღიძის ნაწარმოებები.

დასწრება თავისუფალია